Ucar - Azərbaycan Respublikasında inzibati rayondu. 1939-cu ildə təşkil edilmişdir.
Ucar rayonu Şirvan düzündə yerləşir. Sahəsi 853 km²-dir. Mərkəzi Ucar şəhəridir. Ucar rayonunun səthi düzənlikdir. Ərazisinin şərq və cənub şərq hissəsi okean səviyyəsindən aşağıda yerləşir. Antropogen çöküntüləri yayılmışdır.

Yayı quraq keçən mülayim isti yarımsəhra və quru çöl iqlimi var. Orta temperatur yanvarda 1,4ºC, iyulda 27,3ºC-dir. İllik yağıntı 300-400 mm-dir.Ərazisində Göyçay və Türyançay çayları axır. Baş Şirvan kollektoru Ucar rayonunun cənubundan keçir. Boz çəmən torpaqları yayılmışdır. Bitki örtüyü ovalıq və yarımsəhra tiplidir. Heyvanları: canavar, tarlasıçanı, bataqlıq qunduzu və.s.
Ucar rayonunun əhalisi 1dekabr 2009-cu il tarixə 78,6 min nəfərdir. Əhalinin sıxlığı hər km²-də 91,8 nəfərdir. Milli tərkibinin böyük əksəriyyəti azərbaycanlılar olmaqla az miqdarda rus,ukraynalı, tatar, ləzgi və s. vardır. Rayonun 1 şəhər, 29 kəndi vardır. Rayonda 45 ümumtəhsil məktəbi, 22 məktəbəqədər tərbiyə müəssisəsi, 18 mədəniyyət evi, 8 klub, uşaq incəsənət məktəbi, Tarix-diyarşünaslıq muzeyi, H.Əliyev muzeyi 47 kitabxana fəaliyyət göstərir. Rayonun ərazisində antik dövrə aid nekropol vardır.

Rayonun 83398 hektar ümumi torpaq fondu vardır. Torpaqların 69700 hektarı suvarılan torpaqlar, 37300 hektarı kənd təsərrüfatına yararlıdır.Rayonda “Ucar Pambıq” ASC, “Ucar Konserv”ASC, “Ucar Broyler” MMC, “Müsüslü Quşculuq” MMC, “Azqold” MMC, Asfalt zavodu, kərpic və beton piltə istehsalı ilə məşğul olan 5 sex, çörək istesalı ilə məşğul olan “Əvəz Bərəkət” fərdi firması, tikintidə xidmət obyektləri vardır.

Rayonun ərazisində Bakı-Gəncə dəmiryolu və Bakı-Gəncə magistral avtomobil yolu keçir. Rayonda nömrə tutumu 5846 olan 17 avtomat telfon stansiyası, telekommunikasiya qovşağı, poçtamt, 20 poçt şöbəsi 3 avtonəqliyyat müəssisəsi, 3 dəmiryol stansiyası vardır.
Rayonda 13 xəstəxana, 1 poliklinika, 1 dəmiryol ambulatoriyası, 1gigiyena epidemiologiya mərkəzi, 16 feldşer-mama məntəqəsi fəaliyyət göstərir. Rayon mərkəzində 1 stadion,kəndlərdə 40-dan çox idman qurğuları vardır.
Rayon haqqında 2005-ci ildə Fazil Nağıyevin “Ucarın tarixi coğrafiyası”adlı kitabı nəşr olunmuşdur.
Ucar rayonunun kəndləri aşağıdakılardır:
Məcburi köçkün – 282 ailə - 980 nəfər.
Qaçqın – 11 ailə- 42 nəfər.
Şəhərdə - 420 məcburi köçkün.
Kənddə - 560 məcburi köçkün.
Ali təhsilli məcburi köçkün 34 nəfər.
Şəhidlər 153 nəfər.
Milli qəhrəmanımız – Ehtiram Hüseynov əslən Ucar rayonu
Qazyan kəndindəndir.